Komisioni për Sistem Politik në Kuvend nuk shqyrtoi raportin vjetor të Këshillit Gjyqësor. Arsye për këtë ishte mungesa e kryetarit të Këshillit, Zoran Karaxhovski.

Deputeti i LSDM-së, Sashko Kostov mungesën e tij e quajti jo seriozitet dhe mungesë respekti ndaj Kuvendit.

“Kërkoj që sot të mos shqyrtohet raporti, pasi që kryetari i Këshillit Gjyqësor asnjëherë nuk e nderon ligjvënësin. Njëjtë kishte vepruar edhe në raportin e vitit 2016. Mendoj se për disa pyetje duhet përgjigjet personalisht në lidhje me raportin”, deklaroi Sashko Kostov.

Pas kërkesës së Kostov, kryesuesi i komisionit kërkoi pushim. Në kthim Kostov tërhoqi propozimin, por kryesuesi Çedomir Sazdovski ndërpreu seancën pa arsyetim.

“Ju falënderoj. Këtu e mbyll këtë seancë dhe për vazhdimin e saj do të informoheni në kohë”, u shpreh Çedomir Sazdovski, Nënkryetar i Komisionit për Sistem Politik.

Në dalje anëtarët e komisionit shkëmbyen replika mes vete për transparencën dhe qasjen ndaj Këshillit Gjyqësor. Deputetët shqiptar nuk u përfshinë fare në debat dhe diskutim./alsat